ជនសង្ស័យម្នាក់ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី

ខេត្តបន្ទាយមានជ័យ៖ ជនសង្ស័យម្នាក់ដែលត្រូវកងរាជអាវុធហត្ថក្រុងប៉ោយប៉ែតឃាត់ខ្លួនពាក់ពន្ធ័ករណីគ្រឿងញៀនកាលពីវេលាម៉ោង១៩ និង០០នាទី ថ្ងៃទី១១ ខែមករា ឆ្នាំ២០២០ ក្រោមការដឹកនាំលោក វរសេនីយ៍ត្រី នួន នីណារ៉ូ មេបញ្ជាការមូលដ្ឋាន នៅចំណុចភូមិបាលិលេយ្យ២ សង្កាត់ និងក្រុងប៉ោយប៉ែត ខេត្តបន្ទាយមានជ័យ ពេលនេះបានបញ្ជូនខ្លួនទៅសាលាដំបូងខេត្តចាត់ការតាមនីតិវិធីហើយ។

គួររំលឹកថាជនសង្ស័យឈ្មោះ លន សុវ៉ាន់ណ្ណារ៉ា ភេទប្រុស អាយុ ១៨ឆ្នាំ បច្ចុប្បន្នស្នាក់នៅភូមិមិត្តភាព សង្កាត់/ក្រុងប៉ោយប៉ែត ខេត្តបន្ទាយមានជ័យ និងដកហូតគ្រឿងញៀនម្សៅក្រាមពណ៌ស ចំនួន០១កញ្ចប់ ៕