សមត្ថកិច្ចឃាត់ខ្លួន បុរសម្នាក់ ករណីហិង្សាក្នុងគ្រួសារនៅកណ្តាល...

 កណ្ដាល÷សមត្ថកិច្ចធ្វើការឃាត់ខ្លួនយុវជនម្នាក់ប្រើប្រាស់អំពើហិង្សាក្នុងគ្រួសារ ហេតុការណ៍នេះបានកើតឡើងកាលពីថ្ងៃទី២៦ ខែកក្កដា ឆ្នាំ២០២១ មានករណីហិង្សាក្នុងគ្រួសារមួយនៅចំណុចផ្ទះជនរងគ្រោះ ភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្ដាល។

ជនរងគ្រោះ ០១នាក់ត្រូវជាប្រពន្ធជនសង្ស័យឈ្មោះ នៅ រស់ ភេទស្រី អាយុ ៤៩ឆ្នាំ ជនជាតិខ្មែរ មុខរបរ កសិករ មានទីលំនៅភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្ដាល រងរបួសចំថ្ងាសមួយកន្លែងបែកហូរឈាម។

ចំណែកជនសង្ស័យ ត្រូវជាប្ដីជនរងគ្រោះឈ្មោះ​ អៀត អុន ភេទប្រុស អាយុ ៥៩ឆ្នាំ ជនជាតិខ្មែរ មុខរបរ កសិករ មានទីលំនៅភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្ដាលត្រូវបានសមត្ថកិច្ចធ្វើការឃាត់ខ្លួនបានកាលពីថ្ងៃទី ២៦ ខែកក្កដា ឆ្នាំ២០២១ វត្ថុតាងចាប់យកមាន

១.អង្រែបុកគ្រឿងធ្វើអំពីឈើ ប្រវែង៤.៣សង់ទីម៉ែត្រ ទំហំ១៩សង់ទីម៉ែត្រ ចំនួន០១ បច្ចុប្បន្នជនសង្ស័យកំពុងតែធ្វើការសួរនាំនៅអធិការនគរបាលស្រុកមុខកំពូលដើម្បីចាត់ការតាមនីតិវិធីច្បាប់បន្តទៀត។