កម្លាំងអាវុធហត្ថខេត្តកំពង់ស្ពឺ ឃាត់ខ្លួនជនសង្ស័យ ៣នាក់!

 កំពង់ស្ពឺ៖ នៅថ្ងៃទី១៧ ខែកក្កដា ឆ្នាំ២០២១ កម្លាំងជំនាញកងរាជអាវុធហត្ថខេត្តកំពង់ស្ពឺ ដោយយោងពាក្យបណ្តឹង របស់ជនរងគ្រោះឈ្មោះ សុន សារិន ភេទប្រុស អាយុ៦២ឆ្នាំ រស់នៅភូមិសៅកែ ឃុំរលាំងចក ស្រុកសំរោងទង ខេត្តកំពង់ស្ពឺ កម្លាំងជំនាញកងរាជអាវុធហត្ថបានធ្វើការស្រាវជ្រាវ និងឃាត់ខ្លួនជនសង្ស័យចំនួន០១នាក់ឈ្មោះ ហែម សំណាង ភេទប្រុស អាយុ២៩ឆ្នាំ រស់នៅភូមិរំលោង ឃុំសព័រទេព ក្រុងច្បារមន ខេត្តកំពង់ស្ពឺ ដកហូតវត្ថុតាងរួមមានម៉ូតូ ០១គ្រឿង, ដែកជើងទ្រកុំស័រម៉ាស៊ីនត្រជាក់ចំនួន០៣គូរ, កន្រ្កៃចំនួន០១។

នៅថ្ងៃដដែលកម្លាំងជំនាញបានបន្តស្រាវជ្រាវ និងឃាត់ខ្លួនជនសង្ស័យចំនួន ០២នាក់បន្ថែមទៀត នៅចំណុចភូមិស្នោទី១ សង្កាត់សុព័រទេព ក្រុងច្បារម ខេត្តកំពង់ស្ពឺ មានឈ្មោះ ទា សុខា ភេទប្រុស អាយុ ៣៨ឆ្នាំ រស់នៅភូមិរោងពើង ឃុំស្គុះ ស្រុកសំរោងទង  ខេត្តកំពង់ស្ពឺ និងឈ្មោះ ហ៊ូវ ណារ៉ាក់ ភេទប្រុស អាយុ១៦ឆ្នាំ រស់នៅភូមិស្នោទី២ សង្កាត់សុព័រទេព ក្រុងច្បារមន ខេត្តកំពង់ស្ពឺ។ 

បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងតាមនីតិវិធី ៕