វេទិកានេះរៀបចំឡើង នៅអនុវិទ្យាល័យសំបួរក្រឡាញ់ និងវិទ្យាល័យស្រុកក្រឡាញ់ ខេត្តសៀមរាប ក្រោមអធិបតីភាពលោកស្រីអនុប្រធានមន្ទីរកិច្ចការនារីខេត្ត នឹងលោកនាយក នាយិកាសាលាអនុវិទ្យាល័យសំបួរ និងវិទ្យាល័យក្រឡាញ់។
ក្នុងឱកាសបើកវេទិកានេះ លោកស្រីអនុប្រធានមន្ទីរកិច្ចការនារីខេត្ត បានលើកឡើងថា វិស័យអប់រំមានតួនាទីយ៉ាងសំខាន់ ក្នុងការរួមចំណែកការអភិវឌ្ឍន៍ដល់កុមារ យុវវ័យ/យុវជន និងមនុស្សពេញវ័យ ត្រូវទទួលបានការអប់រំ និងការសិក្សាពេញមួយជីវិត ដែលឆ្លើយតបទៅនឹងតម្រូវការទីផ្សារការងារ ប្រកបដោយគុណភាពខ្ពស់ ហើយការអប់រំត្រូវផ្តោតលើការសិក្សាជំនាញ និងការផ្តល់ឱកាសដល់សិស្សគ្រប់រូប ក្នុងការទទួលបានចំណេះដឹងមូលដ្ឋាន ដើម្បីឈានទៅការសិក្សាលើជំនាញបច្ចេកទេស និងជំនាញ ឯកទេសផ្សេងៗ ដើម្បីសម្រេចបានការអភិវឌ្ឍដែលផ្តល់អត្ថប្រយោជន៍ពេញលេញ ដល់ស្រទាប់យុវជន ក្នុងការកសាងអនាគតរបស់ខ្លួន ប្រកបដោយគុណភាព។ ការអប់រំបានដើរតួនាទីយ៉ាងសំខាន់ក្នុងការអភិវឌ្ឍន៍ធនធានមនុស្ស និងជាឆ្អឹងខ្នងនៃការអភិវឌ្ឍសេដ្ឋកិច្ចជាតិ។
វេទិការនេះ ពិតជាបានឆ្លុះបញ្ចាំងពីទិដ្ឋភាពជាក់ស្តែង នៅក្នុងសង្គមនាពេលបច្ចុប្បន្ន ថាតើយុវវ័យ/យុវជន បានរួមចំណែកអ្វីខ្លះ ក្នុងការកសាងជាតិ មាតុភូមិ និងជៀសឲ្យឆ្ងាយពីគ្រឿងញៀន អំពើអមនុស្សធម៌ គ្មានគុណធម៌ គ្មានព្រំវិហារធម៌ ភ្លើតភ្លើន ការសប្បាយហួសលទ្ធភាព ហ៊ានប្រលែងលេង និងល្បែងស្នេហាទំាងខ្លួននៅវ័យសិក្សា។
ក្នុងនោះដែរ គោលនយោបាយជាតិស្តីពីការអភិវឌ្ឍយុវជនកម្ពុជា ទទួលស្គាល់ពីបំណងប្រាថ្នា តម្រូវការ និងលក្ខខណ្ឌយុវជន ដោយបានបញ្ជាក់ច្បាស់អំពីចក្ខុវិស័យ គោលបំណង គោលដៅ និងយុទ្ធសាស្រ្តមួយចំនួន ដើម្បីប្រមូលផ្តុំកម្លាំងយុវជនគ្រប់មជ្ឈដ្ឋាន និងកៀរគរធនធាន សំដៅអភិវឌ្ឍយុវជនឲ្យក្លាយទៅជាពលរដ្ឋមានកាយសម្បទាចំណេះដឹង ចំណេះធ្វើ មានគំនិតផ្តួចផ្តើម គំនិតបង្កើតថ្មី និងស្មារតីសហគ្រិនភាព ដែលជាកត្តាកំណត់សក្តានុពលសេដ្ឋកិច្ចសង្គមជាតិទំាងមូល។
អ្នកចូលរួមក្នុងវេទិកានេះ មានអ្នកគ្រូ លោកគ្រូ និងសិស្សានុសិស្ស សរុបចំនួន ៤១៨នាក់ ក្នុងនោះស្រី ២៥៣នាក់។
No comments:
Post a Comment