រដ្ឋបាល​ខេត្ត​កំពតបើកកិច្ចប្រជុំ​សាមញ្ញ​លើកទី៥ក្រុមប្រឹក្សាខេត្តអាណត្តិទី៣ ក្រោមវត្តមានឯកឧត្ដម​ នៃ គង់​ អភិបាល​រងខេត្ត

ខេត្តកំពត៖ នាព្រឹកថ្ងៃ​ព្រហស្បតិ៍​ ៤រោច​ ខែអស្សុជ​ ឆ្នាំកុរ​ ព.ស​ ២៥៦៣​ ត្រូវនឹងថ្ងៃទី១៧​ ខែតុលា​ ឆ្នាំ២០១៩​ ឯកឧត្ដម​ នៃ គង់​ អភិបាល​រងខេត្ត​ តំណាងដ៏ខ្ពង់ខ្ពស់​ ឯកឧត្ដម​ ​ជាវ តាយ​ អភិបាល​នៃគណៈអភិបាលខេត្តកំពត​ បានដឹកនាំគណៈអភិបាលខេត្ត ចូលរួមកិច្ចប្រជុំ​សាមញ្ញ​លើកទី៥​ របស់ក្រុមប្រឹក្សាខេត្តអាណត្តិទី៣​ ក្រោមអធិបតីភាព​ ឯកឧត្តម​ ជឹង ផល្លា ​ប្រធានក្រុមប្រឹក្សាខេត្ត និងមានការអញ្ជេីញចូលរួមពី​ ឯកឧត្តម លោក​ជំទាវ​ សមាជិកក្រុមប្រឹក្សាខេត្ត​ លោកនាយករដ្ឋបាល​ លោកតំណាងស្នងការនគរបាលខេត្ត​ លោកមេបញ្ជាការរងកងកម្លាំងប្រដាប់អាវុធទាំងបីប្រភេទ ព្រមទាំងថ្នាក់ដឹកនាំ​មន្ទីរ អង្គភាព​ជុំវិញខេត្ត​ អភិបាលក្រុង-ស្រុក​ និងនាយកទីចាត់ការ​ ប្រធានអង្គភាពចំណុះសាលាខេត្តសរុបចំនួន៧៥នាក់។​

កិច្ចប្រជុំប្រព្រឹត្តិទៅតាមរបៀបវារៈដូចខាងក្រោម៖
១-ពិនិត្យ​និងអនុម័ត លើរបៀបវារៈនៃកិច្ចប្រជុំ​សាមញ្ញ​លើកទី​៥របស់ក្រុមប្រឹក្សាខេត្ត​។​
២-ពិនិត្យ​និងអនុម័ត​លើកំណត់ហេតុនៃកិច្ចប្រជុំសាមញ្ញលើកទី៤របស់ក្រុមប្រឹក្សាខេត្ត​។​
៣-ពិនិត្យ​និងអនុម័ត​លើរបាយណ៍​ប្រចាំខែ​កញ្ញា​ឆ្នាំ២០១៩​ ​ស្ដីពី​ការអនុវត្ត​ការងារ​របស់​រដ្ឋបាលខេត្ត​។​
៤-ពិនិត្យ​និងអនុម័ត​លើរបាយណ៍​ប្រចាំត្រីមាសទី៣ឆ្នាំ២០១៩ ស្ដីពី​ការអនុវត្ត​ការងារ​របស់រដ្ឋបាលខេត្ត​។​
៥-ពិនិត្យ​និងអនុម័ត លើការបែងចែកប្រាក់រង្វាន់លើកទឹកចិត្តជូនមន្ត្រីរាជការ​សម្រាប់ខែកញ្ញាឆ្នាំ២០១៩​។​
៦-ពិនិត្យ​និងអនុម័ត​លើសេចក្ដីព្រាង​ផែនការ​ថវិកា​ របស់រដ្ឋបាលខេត្ត​សម្រាប់ឆ្នាំ២០២០។​
៧-ពិនិត្យ​លទ្ធផល​នៃការធ្វើវេទិការផ្សព្វផ្សាយ​ពិគ្រោះយោបល់​របស់ក្រុមប្រឹក្សាខេត្ត ប្រចាំឆ្នាំ​២០១៨​។​
៨-ពិនិត្យ ពិភាក្សា​និងអនុម័ត សេចក្ដី​ព្រាង កម្មវិធី​សម្រាប់​វេទិកា​ផ្សព្វផ្សាយ ពិគ្រោះយោបល់ របស់ក្រុមប្រឹក្សា​ខេត្ត ឆ្នាំ២០១៩​។​
៩-បញ្ហាផ្សេងៗការចូលរួមមតិរបស់អង្គប្រជុំ។