ក្រសួងសង្គមកិច្ច អតីតយុទ្ធជន និងយុវនីតិសម្បទា បានរៀបចំកិច្ចប្រជុំផ្សព្វផ្សាយ គោលការណ៍ណែនាំ ស្តីពី ការទទួល និងការថែទាំជនវិបល្លាសស្មារតីស្នាក់នៅក្នុងមជ្ឈមណ្ឌលថែទាំ និងស្តារ នីតិសម្បទាជនវិបល្លាសស្មារតី ក្រោមអធិបតីភាពឯកឧត្តម តូច ចាន់នី អគ្គនាយក នៃអគ្គនាយកដ្ឋានបច្ចេកទេស នាព្រឹកថ្ងៃចន្ទ ៦កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៧ ខែកុម្ភៈ ឆ្នាំ២០២២ វេលាម៉ោង ៩:០០នាទីព្រឹក ដែលបានប្រព្រឹត្តទៅនៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា។
សម្រាប់ខេត្តកំពង់ឆ្នាំង ឯកឧត្ដម នៃ ចារី អភិបាលរង នៃគណៈអភិបាលខេត្តកំពង់ឆ្នាំង តំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង។ ក្នុងកិច្ចប្រជុំមាន បទបង្ហាញ គោលការណ៍ណែនាំ ស្តីពី ការទទួល និងការថែទាំជនវិបល្លាសស្មារតី ស្នាក់នៅ ក្នុងមជ្ឈមណ្ឌលថែទាំនិងស្តារនីតិសម្បទាជនវិបល្លាសស្មារតី ដោយ លោក ឈួរ សុបញ្ញ ប្រធាននាយកដ្ឋានសុខុមាលភាពសង្គម៕
No comments:
Post a Comment