ថ្នាក់​ដឹកនាំ​ខេត្តកំពង់ឆ្នាំង ចុះពិនិត្យមើលការរៀបចំមណ្ឌលចត្តាឡីស័កបន្ថែមទៀតនៅវិទ្យាល័យក្រុងកំពង់ឆ្នាំង សម្រាប់ទទួលពលករមកពីក្រៅប្រទេស

កំពង់ឆ្នាំង៖នៅថ្ងៃទី២១ ខែកក្កដា ឆ្នាំ២០២១ ឯកឧត្តម អម សុភា និង ឯកឧត្តម ស្រ៊ន សំឫទ្ធី អភិបាលរងខេត្ត រួមដំណើរដោយវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្ត លោកលៀង ជុំសុបិន្ត នាយករងរដ្ឋបាលខេត្ត ព្រមទាំងលោកលោកស្រីថ្នាក់ដឹកនាំមន្ទីពាក់ព័ន្ធ និង អាជ្ញាធរក្រុង បានចុះពិនិត្យ មើលការរៀបចំមណ្ឌលចត្តាឡីស័ក មួយបន្ថែមទៀតនៅវិទ្យាល័យក្រុងកំពង់ឆ្នាំង សម្រាប់ទទួលពលករមកពីក្រៅប្រទេស។

អាជ្ញាធរខេត្ត បានរៀបចំមណ្ឌលចត្តាឡីស័កមួយបន្ថែមមួយទៀតនេះ នៅវិទ្យាល័យក្រុងកំពង់ឆ្នាំង សម្រាប់ត្រៀមលក្ខណៈទទួលពលករត្រឡប់មកពីក្រៅប្រទេស ហើយជាកន្លែងដែលមានទីធ្លាធំទូលាយ ប្រកបដោយផាសុកភាព៕