ថ្លែងក្នុងឱកាសនោះ ឯកឧត្តម សន្តិបណ្ឌិត សុខ ផល បានមានប្រសាសន៍ថា កិច្ចប្រជុំនាព្រឹកនេះ គឹដើម្បីពិភាក្សាពិនិត្យ កែសម្រួលធ្វើវិសោធនកម្មច្បាប់ចាស់ ហើយបើមានចំណុចចាំបាច់ដែលឯកភាពគ្នាត្រូវការកែសម្រួលនូវចំនុចច្រើននោះ ការធ្វើវិសោធនកម្មច្បាប់ថ្មីស្តីពីអន្តោប្រវេសន៍នៃព្រះរាជាណាចក្រកម្ពុជានេះ នឹងត្រូវកែតម្រូវទាំងស្រុងនៃច្បាប់ចាស់តែម្តង ដើម្បីឲ្យសមស្របតាមស្ថានភាពបច្ចុប្បន្ននៃប្រទេសកម្ពុជា។ ហើយក្រុមការងារធ្វើសេចក្តីព្រាង និងត្រូវចុះសិក្សាស្រាវជាមួយមន្ទីរ អង្គភាពនានា ព្រមទាំងសិក្សាលើការប្រើប្រាស់ច្បាប់ស្តីពីអន្តោប្រវេសន៍នៅបណ្តាប្រទេសគំរូមួយចំនួនផងដែរ។
ក្នុងកិច្ចប្រជុំនេះផងដែរ ឯកឧត្តម ប៊ុន ហុន ក៏បានមានប្រសាសន៍ណែនាំដល់ក្រុមការងារថា ច្បាប់ស្តីពីអន្តោប្រវេសន៍នៃព្រះរាជាណាចក្រកម្ពុជានេះ គឺមានច្បាប់ចាស់មួយរួចហើយ ក៏ប៉ុន្តែយើងត្រូវស្រាវជ្រាវរកគ្រប់បញ្ហាទាំងអស់ដើម្បីរកធាតុចូលឲ្យបានគ្រប់ជ្រុងជ្រោយបន្ថែមទៀត ដើម្បីធ្វើវិសោធនកម្មថ្មី។ ឯកឧត្តម បានបន្តថា នៅលើពិភពលោក បញ្ហាអន្តោប្រវេសន៍នេះគឺតែងតែមានការកើតឡើងនូវបញ្ហាច្រើន និងធ្ងន់ធ្ងរជាងគេ ដូច្នេះក្រុមការងារសិក្សាស្រាវជ្រាវត្រូវយកចិត្តទុកដាក់ និងប្រមូលបញ្ហាឲ្យបានគ្រប់គ្រាន់ដោយហ្មត់ចត់បំផុត ដើម្បីធានានូវការរៀបចំបទបញ្ញត្តិថ្មី ធ្វើយ៉ាងណាឲ្យស្របជាមួយបរិបទសង្គម ជាពិសេសការវិវឌ្ឍន៍នៃប្រទេសជាតិ។
សូមជម្រាបថា៖ កិច្ចប្រជុំនេះ គឺធ្វើឡើងជាលើកទី២ ដើម្បីពិភាក្សា ពិនិត្យ និងបន្ថែមបន្ថយធាតុចូលនានាក្នុងការរៀបចំតាក់តែងសេចក្តីព្រាងវិសោធនកម្មច្បាប់ស្តីពីអន្តោប្រវេសន៍នៃព្រះរាជាណាចក្រកម្ពុជា ឲ្យបានសមស្រមតាមបរិបទរួមនៃការរីកចម្រើនរបស់ប្រទេស។ ជាងនេះទៀត ច្បាស់នេះ មានគោលបំណងធានាការគ្រប់គ្រងជនបរទេសគ្រប់រូប នៅក្នុងព្រះរាជាណាចក្រកម្ពុជា និងមានវិសាលភាពអនុវត្តចំពោះជនបរទេសគ្រប់រូបដែល ចូល ចេញ ឆ្លងកាត់ និងស្នាក់នៅក្នុងព្រះរាជាណាចក្រកម្ពុជា
No comments:
Post a Comment