ខេត្តកែប៖ នាព្រឹកថ្ងៃពុធ ៣រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ នេះ នៅសាលប្រជុំមន្ទីរកិច្ចការនារីខេត្តកែប មានបេីកវគ្គបណ្ដុះបណ្ដាល ស្ដីពី ការរៀបចំផែនការ ស្ថិតិ ការត្រួតពិនិត្យ និងការវាយតម្លៃឆ្លើយតបនឹងយេនឌ័រ ដែលចាប់ផ្ដេីមពីថ្ងៃទី១៦-១៧ខែតុលា ឆ្នាំ២០១៩។ ពិធីនេះប្រព្រឹត្តទៅក្រោមអធិបតីភាព លោកជំទាវ ចន្ទ័ សូរីយ៍ រដ្ឋលេខាធិការក្រសួងកិច្ចការនារី លោក ងិន ងិនដា អភិបាលរងខេត្តកែប តំណាងដ៏ខ្ពង់ខ្ពស់ ឯកឧត្ដម កែន សត្ថា អភិបាល នៃគណ:អភិបាលខេត្ត និងលោកស្រី អ៊ូ សុគន្ធី ប្រធានមន្ទីរកិច្ចការនារីខេត្តកែប ព្រមទាំងមានការអញ្ចេីញពី សិក្ខាកាមចំនួន៥ខេត្តរួមមាន: ប៉ៃលិន បាត់ដំបង ត្បូងឃ្មុំ កំពង់ចាម និងពោធិសាត់ សរុបចំនួន៤៩រូប។
វគ្គបណ្ដុះបណ្ដាលនេះ មានគោលបំណង ដើម្បីបង្កើនសម្ថភាពអ្នកពាក់ពន្ធក្នុងការរៀបចំផែនការគម្រោងកម្មវិធី ការត្រួតពិនិត្យវាយតម្លៃតាមរយៈការប្រើប្រាស់វិធីសាស្ត្រ ការគ្រប់គ្រងវដ្ដនៃគម្រោងឆ្លេីយតបនឹងយេនឌ័រ និងរៀបចំតារាងម៉ាទ្រិចនៃសូចនាករត្រួតពិនិត្យ និងវាយតម្លៃឆ្លើយតបនឹងយេនឌ័រ៕
No comments:
Post a Comment